MADRID, AP.- Vários taksista a blòkia tráfiko na Madrid i Barcelona djaluna pa kontinuá ku e protestanan pa eksigí regulashon mas fuerte pa kompanianan ku ta ofresé servisio di transporte atraves di aplikashonnan digital.
E shofùrnan den e kapital spañó a kuminsá ku un wèlga pa tempu indefiní djaluna mainta. Despues di un reunion ku outoridat munisipal, e lidernan a bisa ku e kombersashonnan pa pone fin na e disputa no tabata positivo i ku e protestanan lo sigui.
E taksistanan a manifestá for di e Parlamento katalan na Barcelona, i a reuní den sentro komplikando tráfiko.
E shofùrnan di taksi spañó ta kritiká ku e shofùrnan di servisionan via aplikashon ta kompetí inhustamente ya ku e regulashonnan i kosto ta diferente.
Polis ta pendiente debí ku protestanan anterior di taksi a terminá den aktonan violento kontra e vehíkulonan ku ta usa plataformanan manera Uber.
