LOS ANGELES, USA (AFP).- Despues di mira kon tur karchi ta kaba pa su gira den stadionnan grandi, e super strea di Pop Taylor Swif awor a yega salanan di sine. Su pelíkula dje konsierto “The Eras Tour” a rekoudá 96 mion dòler den su fin di siman di estreno na Merka, loke a bati rèkòrtnan den e kategoria.
“Ta un estreno sensashonal”, segun e analista David A. Gross, di Franchise Entertainment Research.
Pero e benta di entrada pa “Taylor Swift: The Eras Tour”, ku a inkluí esenanan di tres konsierto, tabata bou di algun kálkulo hasí pa su promé wikènt. Te ku awor, e pelíkulanan di konsierto mas takiero tabata “Justin Bieber: Never say Never” (2011), ku a generá ingreso total di 73 mion dòler, i “Michael Jackson’s This is it” (2009) ku 72.1 mion dòler.
Taylor Swift a superá eseinan den tres dia.
