LIMA, AP.- Un temblor di magnitut 7,1 a wòrdu registrá djadumingu na sùit di Perú. Asina e servisio Geológiko di Merka a indiká. Esaki a kousa morto di sigur un persona i a laga desena di herido, segun indikashon di outoridat.
E temblor a tuma lugá 04:18 di mardugá i tabatin su episentro den un zona di oséano Pasífiko na sùitwèst di e siudat andino di Acari. Inisialmente e magnitut a wòrdu midí na 7,3.
Yamila Osorio, gobernador di e region di Arequipa, a bisa riba Twitter ku por lo ménos un persona a muri, tin indikashon di blackoutnan i strukturanan ku a kolèps. E persona ku a fayesé ta un hòmber di 54 aña.
Defensa Sivil a kalkulá 57 herido, mayoria den region di Arequipa. E presidente Pedro Pablo Kuczynski a anunsiá ku e tabata biahando pa zonanan afektá pa e temblor.
