TUBAS, TERITORIONAN PALESTINO, AFP.- Hòmbernan palestino i árabe israelí arma a herida seis sòldat israelí i un sivil na momentu ku nan a basha bala kontra un bùs na Wèst Bank, segun ehérsito.
E atake den Vaye di Jordan, serka di siudat Tubas, ta ekstendé un ola resien di violensia na Westbank i ta sigui un serie di tiroteo kontra un bùs israelí na wèst di Herusalèm.
Ademas, e suseso a keda registrá despues di vários luna di inkurshon di ehérsito di Israelí, mayoria biaha mortal, na Westbank, di kual mayoria ta dirigí kontra militantenan palestino den áreanan di Nablus i Jenin, ámbos serka di Tubas.
Un bosero militar israelí a bisa ku tres hòmber a ehekutá e atake. Dos sospechoso ta di Jenin i un árabe israelí.
Outoridatnan a arestá dos sospechoso serka di restunan di un outo kimá ku posiblemente nan a usa. Ehérsito israelí a bisa ku un sòldat ta gravemente heridá i sinku mas a sufri heridanan leve.
