CHICAGO, AP.- Un tormenta di wenter potente a kubri gran parti di sentro-oksidente di Merka ku eis i sneu. Esaki a obligá kanselashon di buelonan i mayoria kaminda no tabata transitabel.
E zona di Chicago a haña 30 centimeter di sneu i e visibilidat tabata asina skars ku tabatin filanan largu di tráfiko. Servisio Meteorológiko Nashonal a bisa ku 19 centimeter di sneu a kai den e Aeropuerto O’Hare di Chicago i 12,5 centimeter den Aeropuerto Internashonal Midway.
Un total di 809 buelo a wòrdu kanselá na O’Hare djaluna, i esaki despues ku 700 a wòrdu kanselá djadumingu. 123 buelo a wòrdu kanselá na aeropuerto di Midway djadumingu i 69 djaluna.
E tormenta a kubri e península di Michigan i e kayanan no tabata transitabel. Polis mester a duna asistensia na diferente aksidente di tráfiko den zona di Lansing. Outoridat a pidi e pueblo pa apstené di manehá, i pa hasi esaki solamente si ta nesesario.
E gobernador Jeff Colyer a deklará estado di emergensia despues di un akumulashon di entre 5 i 36 centimeter di sneu.