FLORIDA, AP.- Un ekipo òf tambe yamá un rakèt di NASA diseñá pa koba riba superfisie di Mars a baha riba e planeta Kora ayera, despues di a biaha dor di 482 mion di kilometer ku un durashon di seis luna i un bahada peligroso dor di atmósfera ros.
E kontroladónan di laboratorio di NASA na Pasadena California a bula lanta for di nan stul i a kuminsá grita, batiendo man i a hari so ora nan a risibí e notisia.
“El a baha”, asina e anunsio di e kontroladó tabata bisa.
Un potrèt ku a keda mandá di e superfisie di Mars tabatin manchanan pa e eskomberonan di e kámara di e ekipo ku kasi niun baranka di piedra, loke ta hustamente loke e sientífikonan a spera.
Den próksimo ora i dianan lo yega mihó potrèt.
