BEAUMONT, TEXAS, MERKA, AP.- Un di e siklonnan ku a kousa mas kantidat di awa den historia di Merka tabata mas evidente djasabra, na momentu ku e nivel di awa a kuminsá baha i asina revelá tareanan di limpiesa kual mayoria komunidat i kas ta konfrontá kuné.
Diferente kas i edifisio den e área, kual ta ekstendé na ost for di Houston i a lo largo di e frontera ku Louisiana, a wòrdu afektá pa Imelda. E tormento a basha 102 centimeter di áwaseru na algun parti i a kobra bida di por lo ménos sinku persona.
Outoridat di kondado Harris, kual ta inkluí siudat di Houston, a purba determiná si e miónes di dòlernan pèrdí ta sufisiente pa generá un deklarashon federal di desaster, segun indikashon di Fransisco Sanchez, un bosero di ofisina di Maneho di Emergensia di kondado.