PARIS, FRANSIA, AFP.- Tráfiko aéreo mundial a baha ku mas di mitar den mart kompará ku e mesun periodo aña pasa. E bahada aki ta dor di restrikshonnan aéreo pa kontené propagashon di e coronavirus.
E kaida di 53% ta “esun di mas grandi den historia resien. Vários gobièrnu mester a tuma akshon pa kontené propagashon di e coronavirus nobo COVID-19, kual a resultá desastroso pa e ekonomia mundial, segun indikashon di e Asosiashon Internashonal di Transporte Aéreo (IATA).
Mayoria di e 290 aerolíneanan ku ta miembro di e asosiashon a wòrdu afektá pa e kaida den demanda mundial dor ku vários gobièrnu a imponé un lockdown pa kontené e vírus. E aerolíneanan aki ta representá 82% di tráfiko aéreo global.
Boeing i British Airways a anunsiá e siman aki ku e empresanan lo duna vários retiro dor ku e nivel di tráfiko a baha na nivelnan nunka bisto dede 2006.
“Mart tabata un luna desastroso pa aviashon”, asina e direktor general i CEO di IATA a bisa. e situashon a deteriorá mas ainda den Aprel i mayoria “señal ta mustra ku e rekuperashon lo ta unu slou”.
