WASHINGTON, AP.- Presidente Donald Trump a krítika China enérgikamente djaweps despues di haña informenan ku barkunan di e pais a transferí petroli pa barkunan norkoreano riba laman. El a sostené ku “hamas lo tin un solushon amistoso pa e problema di Norkorea si esaki sigui pasa”.
Trump a tweet ku China a wòrdu gará “op heterdaad” i a deklará di ta “desepshoná ku China ta permití di duna petroli na Norkorea”.
E mandatario no a drenta den detaye.
China ta fasilitá mayoria parti di komersio i suministronan ku ta drenta Norkorea. Apénas dos siman pasá, Trump a elogiá China pa yuda den esfuersonan kontra Pyongyang, inkluyendo sostené tres solushon di Konseho di Seguridat di Nashon Uní e aña aki debí na pruebanan nuklear i misil norkoreano.
Djaweps, e korant surkoreano Chosun Ilbo a bisa ku segun funshonarionan, barkunan chines a entregá petroli na barkunan norkoreano 30 biaha desde òktober.
E Ministerio di Eksterior chines ta sigurá ku a apliká sanshonnan di Nashon Uní. Un bosero di ministerio a bisa djárason ku no tin informashon riba e echo mas resien, pero ku Beijing a apliká e restrikshonnan komersial di forma mas estrikto.
