WASHINGTON, AP.- Presidente Donald Trump a suspendé un operashon nashonal pa deportá personanan ku ta biba ilegalmente na Merka, inkluyendo famianan. E presidente a agregá ku e lo duna e legisladornan dos siman pa haña un solushon pa e problema na sùit di frontera.
Trump a tuma e desishon despues ku presidente di Kámara di Representante, demókrata, Nancy Pelosi, a tuma kontakto kuné djabièrnè pa pidi e presidente pa kanselá a redadanan. Sinembargo, tres funshonario di gobièrnu a bisa ku e kanselashon di e operashon ta un asuntu polítiko. Nan a indiká ku funshonarionan haltu di ICE a manifestá nan preokupashon serio pa seguridat di e agentenan, dor ku mayoria detaye di e redadanan a wòrdu publiká.
E fuentenan a pidi pa keda anónimo, dor ku nan no tabatin outorisashon pa hasi deklarashon riba e kombersashonnan privá aki.
E kanselashon ta un indikashon mas di e difikultatnan ku gobièrnu ta pasando aden pa kontrolá e krísis na frontera. E kantidat di personanan ku ta krusa pa Merka for di México a oumentá durante e gobièrnu di Trump.
