WASHINGTON, MERKA, AFP.- Presidente merikano, Donald Trump a bisa djaweps ku e informashonnan tokante e supuesto problemanan di salú di e lider norkoreano, Kim Jong Un, ta inkorekto. Ademas, el a kritiká e kanal di notisia CNN pa publiká e notisia, kual “frekuentemente ta ataka e mandatario”.
“Mi ta kere ku e informashonnan aki ta inkorekto” asina Trump a bisa durante su rueda di prensa diario tokante e coronavirus nobo. “Mi a komprondé ku nan a usa dokumento bieu” asina el a bisa, añadiendo ku “segun ami ta trata di informashon falsu di CNN”.
CNN a publiká un artíkulo algun dia pasa indikando ku Merka tin inteligensia ku e lider norkoreano ta den kondishon kritiko despues ku el a hasi un operashon.
Un korant online, Daily NK, a bisa separadamente ku Kim a wòrdu someté na un operashon di kurason na komienso di luna i ku e ta rekuperando den un vila den provinsia di Nort Pyonyang.
