WASHINGTON, AP.- Presidente Donald Trump a atvertí djabièrnè ku e lo apliká su poder di veto si Kongreso aprobá un resolushon ku ta blòkia e deklarashon di emergensia ku el a emití pa finansiá su muraya na frontera entre México i Merka.
E mandatario a hasi e anunsio dos ora despues ku e demókratanan di Kámara di Representante a presentá e inisiativa. E medida ta duna komienso na un lucha ku por dividí e republikanonan i kousa e promé veto di Trump.
E presidente di Kámara di Representante, Nancy Pelosi a bisa ku e votamentu por sosodé djamars. Kualkier veto di Trump probablemente lo prosperá, pero e siguiente bataya lo tèst e sosten republikano na Trump su inisiativa.
Si Kámara di Representante i Senado aprobá e medida, no ta probabel ku Kongreso ta haña mayoria di dos terser den kada kámara ku ta nesesario pa anulá e veto di Trump.
