WASHINGTON, AP.- Den un kambio importante un dia promé ku kòmbersashonnan entre Merka i Norkorea, presidente Donald Trump a duna su sekretario di Estado, Rex Tillerson retiro. El a bisa ku e lo postulá direktor di CIA, Mike Pompeo pa su reemplaso, un medida largamente premirá pero skandaloso.
“Nos no tabata di akuerdo riba vários punto”, asina Trump a bisa algun momentu despues, poniendo fin na un relashon diplomátiko turbulento.
E sospechonan di Tillerson su retiro a multipliká despues ku funshonarionan di Kas Blanku a revelá e plan pa remplasá Tillerson pa Pompeo.
Trump a papia tokante diferensianan rondó di e akuerdo ku Iran, di kual e kier retirá. “Nos no tabata pensa meskos”, asina el a bisa.
E rotashon personal intenso den e gobièrnu a provoká inkietut tantu paden komo pafó di Kas Blanku. E asesor ekonómiko Gary Cohn a anunsiá su renunsia siman pasá. E direktora di komunikashon Hope Hicks i sekretario di despacho Rob Porter a hasi esaki un tiki mas promé.
Trump ta enfrentá un periodo krusial rondó di e tema di polítika eksterior, kua desishon si e ta saka Merka di e akuerdo di 2015 ku Iran, kual Pompeo a konsiderá komo “desastroso”. Tillerson, kende ta na fabor di keda den e akuerdo, tabata apliká un strategia sutil ku e aliadonan europeo pa purba modifiká esaki na e gustu di Trump.
