WASHINGTON, AP- Presidente Donald Trump ta ninga di destiná mas sosten pa yuda Puerto Rico rekuperá di e desasternan ku el a sufri. El a bisa na aliadonan republikano den un reunion na Kapitolio ku e isla ya a haña demasiado fondo pa su rekonstrukshon, kompará ku estadonan manera Texas i Florida.
E oposishon di Trump pa destiná fondo adishonal na Puerto Rico a sòru pa un konfrontashon ku e demókratanan den Kámara di Representante. E demókratanan ta insistí ku lo no aprobá un pakete di entre 13.000 i 14.000 mion dòler pa pa e estadonan na sùit si no inkluí mas yudansa pa Puerto Rico, kual a keda destrosá despues di dos orkan na aña 2017.
Tantu e demókrata komo e republikanonan ta sostené e medida i ta wòrdu respaldá pa legisladornan leal na Trump. E gobièrnu di Trump a tarda pa entregá yudansa na Puerto Rico kual Kongreso a aprobá pa e isla kaba.
