WASHINGTON, AP.- Presidente Donald Trump tabata preparando djabièrnè pa bira anfitrion e fin di siman aki pa un enkuentro ku lidernan republikano di Kongreso, sekretarionan di gabinete i ayudantenan pa asina analisá e prioridatnan legislativo di 2018.
Kas Blanku a informá djabièrnè kue grupo lo analisá vários tema, asta di infrastruktura, inmigrashon, presupuesto, reforma di bienestar sosial i elekshon di 2018.
Trump a sali di kas Blanku djabièrnè atardi rumbo pa retiro presidensial di Camp David.
E partisipantenan ta inkluí visepresidente Mike Pence, e lider di banka republikano den Senado Mitch McConnell, e hefe republikano di Senado John Conryn, presidente di Kámara Paul Ryan, e lider republikano di Kámara di Representante Kevuin McCarthy i e hefe republikano den Kámara di Representante Steve Scalise.
Djasabra, e grupo lo uni otro funshonarionan di gobièrnu federal, entre nan e sekretario di estado Rex Tillerson, sekretario di defensa Jim Mattis, Sekretaria di Departamento di Seguridat Nashonal Kirsten Nielsen i sekretaria di Edukashon Betsy Devos.
