WASHINGTON, AP.- Presidente Donald Trump a preshoná senadornan republikano dividí pa nan aprobá un proposishon di lei di salú den próksimo simannan. Pero e medida a wòrdu kritiká atrobe den e partido. Un senador a pidi un enfoke mas bipartidista i un konservador a akusá lidernan di ta purbando di kumpra voto.
Senadornan a regresá kapitolio despues di un reseso di un siman pa Dia di Independensia durante kaminda a disminuí sosten den partido di proposishon elaborá pa lider senatorial Mitch McConnell. E medida lo eliminá gran parti di e reforma di salú di presidente Barack Obama i lo redusí rekerimentunan di kobertura. Esaki lo pone fin na sanshon pa esnan ku no buska kobertura i lo kòrta den e programa Medicaid di seguridat médiko pa esnan pober i eliminá impuesto pa personanan ku mas plaka.
Desena di senadornan republikano a ekspresá nan oposishon na e proposishon inisial di MCconnell òf a kritiká esaki. Republikanonan tin un mayoria di 52-48 i demokratnan ta uni den su rechaso di e medida.
