PARIS, FRANSIA, AFP.- Elon Musk a bolbe bin ku mas medida pa su usuarionan, nuebe luna despues di a kumpra Twitter, limitando, sin previo aviso, e uso grátis di e ret sosial, un desishon kontra di e industria i ku su kompetidónan ta buska pa saka probecho.
Meskos ku e grupo Meta di Mark Zuckerberg, e empresa madre di Facebook a presentá e siman aki su aplikashon nobo Threads ku ta pretendé di kompetí direktamente ku Twitter.
Manera Apple a kalifik’é, e aplikashon di Instagram pa kombersashonnan di teksto lansamentu di esaki lo ta djaweps awor na Merka. Di otro banda e proyekto Bluesky dirigí pa e ko-fundadó di Twitter Jack Dorsey i aksesibel riba invitashon, tambe ta trata di laga sa ku e tei ku un enfoke mas desentralisá. E inisiativanan aki ta pretendé di saka probechá di e deterioro di e imágen di Twitter for di momentu ku Musk a kumpr’é aña pasa, pa 44 mil mion dòler.
E ret di e para blou a bolbe generá reakshonnan fuerte siman pasa ora el a restringí e lektura di tweets na 10 mil pa dia pa kuentanan ouditá, esnan pagá na mil i asta 500 pa e kuentanan nobo. Límite máksimo ku ya a subi dos bia den poko dia. E ophetivo ta di limitá e uso masivo di dato di e ret sosial pa pari di terseronan, spesialmente empresanan ku ta alimentá nan modelo di inteligensia artifisial.
