WASHINGTON, MERKA, AFP.- Presidente merikano Joe Biden durante di e selebrashon di dia di independensia di Merka, a pidi pa pone fin na e epidemia di violensia arma, despues di un ola di asesinato i un aña despues di un tiroteo registrá durante un desfile popular.
“Miéntras nos nashon ta selebrá dia di independensia, nos ta resa pa e dia kaminda nos komunidatnan ta liber di violensia arma”, asina e presidente a bisa den un komunikado.
Den último dianan, nos nashon a sufri un biaha mas pa un ola di tiroteo trágiko i sin sentido den komunidatnan rònt Merka, asina Biden a referí na tiroteonan na Philadelphia, Fort Worth i Lansing meskos ku kasonan resien di violensia arma na Baltimore, Wichita, Kansas i Chicago.
Aña pasa, un hòmber a tira durante di un desfile organisá serka di Chicago, den e estado di Illinois, pa e feria nashonal di 4 di yüli. Shete persona a muri i kantidat a resultá herida, loke a hasi e dia di orguyo patriótiko un tragedia nashonal, asina Biden a bisa.
Djaluna anochi tabatin un tiroteo den kayanan di e siudat di Philadelphia ku a laga 5 morto di 15 pa 59 aña segun polis, ku a anunsiá ku nan a detené e presunto outor.
