MUMBAI, INDIA, AP.- Un avioneta privá a kai djaweps riba un bario konkurí di Mumbai, e kapital finansiero di espektákulo di India, matando sinku persona. Un di nan tabata riba tera, segun polis a informá. E piloto a evitá ku e number tabata mas grandi kayendo kontra un tereno habrí riba un sitio di konstrukshon, segun un eks minister di aviashon.
E agensia di notisia Press Trust òf India a bisa ku entre e víktimanan tabatin dos piloto i dos ingeniero di buelo den e avion. E ofisial di polis Vishnu Kolekar a bisa ku un persona riba tera tambe a fayesé i dos mas a resultá heridá. Pero polis a bisa anteriormente ku dos persona a muri riba tera.
E avion Beechcraft King Air C90 di 12 asiento a kai despues di despegá di un buelo di prueba desde aeropuerto Juhu di Mumbai, kual ta wòrdu usá pa avionnan chikitu, asina polis a informá.
El a agregá ku e avion a kai riba un sitio di konstrukshon den un edifisio di vários planta den distrito di Ghatkopar, un zona hopi druk i ku hopi apartamentu residensial. E obreronan di konstrukshon tabata lùnch na momentu di e insidente.
E eks minister di Aviashon Sivil Praful Patel, residente di Mumbai, a bisa ku e piloto a evitá mas morto dor di evitá e edifisionan residensial.
“Mi kier ekspresá mi rèspèt na e piloto kende a mustra klaridat mental pa evitá un gran insidente, salbando hopi bida a kosto di su mes bida.
Suresh Prabhu, minister aktual di Aviashon Sivil, a ordená pa start un investigashon pa determiná e kousa di e aksidente.
