B AG DA D , A P. – E presidente sirio a yega na un plan di pas negoshá pa Nashonnan Uni ku ta proponé pa trankilisá e zonanan mas violento di e pais i despues ekspandé e plan durante henter e nashon. Esaki a keda anunsiá pa Kofi Annan djamars.
Den un konferensha di prensa na Iran, Annan a bisa ku e plan ainda mester wòrdu presentá pa oposishon. Pero a agregá ku un dia promé, durante kòmbersashonnan den e kapital di Siria, segun aktivistanan a laga mas di 17.000 morto for di mart di 2011, e presidente Basha Assad a sugerí pa kalma áreanan spesífiko.
Assad “a sugerí pa trata di kontené e violensia den algun di e distritonan mas violento, tiki tiki, pa pone un fin na e violensia rònt e pais”, asina Annan a bisa den prensa di Teheran, su promé eskala den un gira di e paisnan aliado mas yega na Siria.
E komité internashonal di Krus Kòrá a informá ku un di e empleadonan sirio a muri dor di tiru di bala djamars na momentu ku e tabata biaha den un ambulans den ost di Siria. No a informá ken por a mata esaki.
E grupo a bisa ku ta di dos biaha den un luna ku ta mata un di su empleadonan i a pidi tur parti pa protehá e personal médiko.
