MONTEVIDEO, AP. – Gobièrnu di Uruguay a ofresé pa trese famia di e eks prizonero, Abu Wa el Dhiab na Uruguay. Asina e gobièrnu ta spera ku e ta suspendé e wèlga di hamber ku e tin ya pa dos luna kaba pa pidi pa bolbe reuní ku su kasa i su yunan.
E kansier a sigurá Dhiab den un karta ku ta outorisando e visanan i gastu di traslado di su famia i ku nan tur lo tin un kas pa keda den e pais. Ounke e sirio a bisa ku e no ta deseá pa keda ku su famia na Uruguay. E sirio a indiká ku e kier reuní ku su famia den un otro pais.
“Ministerio di Asuntunan di Eksterior a reiterá i ta reafirmá, su disposishon pa bolbe kuminsá ku tur prosedimentu nesesario pa prosedé ku unifikashon di bo famia’.
Asina e kansier a indiká den e karta publiká djamars na prensa.E kasa di Dhiab i su tres yunan ta na Turkia. Un otro yu a muri den e guera na Siria.
