CARACAS, AP.- E partidonan opositor di Venezuela mas grandi a disidí ku nan no ta partisipá den elekshon presidensial den aprel, debí na falta di kondishonnan elektoral. Asina un di e dirigentenan a anunsiá djamars.
E gobièrnu a antisipá ku esaki lo proponé pa skohe diputadonan di Kongreso den e mesun elekshon aki, dominá pa oposishon i kual su mandato na finalisá na 2020.
E visepresidente di partido Akshon Demokrátiko, diputado Edgar Zambrano, a bisa na The Associated Press ku su organisashon i forsanan Primero Hustisia i Un Nuevo Tiempo, a disidí pa suma e postura di Boluntat Popular, e terser forsa opositor, di no akudí elekshon.
“Nos mester di e konhunto di tur forsa di oposishon i desde e punto di bista ei lo no tin Voluntad Popular, lo no tin Primero Hustisia, i lo no tin Un Nuevo Tiempo”.
Primero Justicia, kual ta e forsa opositor mas grandi, a anunsiá ku kontra e resistensia di gobièrnu di otorgá garantianan elektoral, e partido a disidí pa no partisipá den e proseso, konsiderá komo “froudulento”.
E garantianan aki ta inkluí ouditorio, opservashon internashonal, voto di tur venezolano den eksterior i rèspèt pa e tempu límite elektoral.
