CARACAS, AP.- 200 simpatisantenan di Gobièrnu venezolano a ataká Asamblea Nashonal ku tubu i ophetonan kontundente. Esaki a laga un saldo di 12 persona heridá.
Presidente Nicolas Maduro a kondená e insidente i na final di un desfile militar a konmemorá e aniversario di independensia bisando ku “mi no ta aseptá violensia di niun hende” i a pidi pa investigá e echonan ku el a kalifiká komo ”straño”.
Kasi mèrdia, manifestantenan ku tabata protesta desde trempan den vários punto di e sentro di Caracas a drenta pationan di Kongreso. Hefe di Guardia Nashonal di Palasio Legislativo a outorisá e entrada aki. Akinan e grupo a avansá pa entrada di e sala protokolardi Asamblea i a konfrontá ku un grupo di diputadonan opositor i empleadonan di Kongreso.
Algun manifestante ku kara tapa ku tela pretu a saka pistol i a kuminsá tira den laira miéntras otronan tabata tira gas lakrimógeno i vürwèrk.
Despues di un bringamentu intenso, bewakernan ku tabata vigilá e instalashon a saka e manifestantenan.
Presidente di Asamblea Nashonal, diputado Julio Borges, a bisa ku sinku diputado opositor, entre nan Americo de Grazia i shete trahadó a resultá heridá den un “episodio di bèrgwensa”.