CARACAS, VENEZUELA, AFP.- E hefe di e delegashon di Venezuela involukrá den kombersashonnan di pas ku oposishon a bisa djaweps ku elekshon presidensial liber den 2024 ta dependé si kita e sanshonnan.
Oposishon a pone un akuerdo elektoral den sentro di e kombersashonnan di pas organisá pa Mexico, ku a keda suspendé pa gobièrnu den novèmber debí na un retraso di e transferensia di aktivonan estranhero destiná pa yudansa humanitario ku a keda kongelá.
Oposishon di Venezuela lo vota den òktober pa skohe un kandidato pa enfrentá presidente Nicolás Maduro den elekshon presidensial.
Oposishon a bòikòt e último elekshon di 2018 ku no a keda rekonosé pa mayoria pais inkluyendo Merka.
“Venezuela lo no firma niun akuerdo ku oposishon te ora ku esaki ta 100 porshento liber di sanshonnan, te ora kita 765 medida unilateral di Venezuela”, asina e presidente di parlamento Jorge Rodriguez a bisa.
Oposishon ke garantisá elekshonnan hustu i transparente den un votamentu kaminda Maduro ke sigurá un segundo mandato di seis aña.
