KIEV, UKRAINE, AFP.- Nuebe persona a muri na Ukrania djaweps, despues ku Rusia a lòs un andanada di misil di presishon haltu i otro atakenan ku a kousa un blackout, inkluyendo na e planta di energia nuklear di mas grandi di Europa.
E blackout na e planta nuklear di Zaporizhzhia a pone ku e hefe di e agensia nuklear i Nashonnan Uni pa emití un atvertensia ku próksimo biaha e situashon por resultá den unu mas desastroso, miéntras ku presidente Volodymyr Zelensky a pidi oksidente a pone sanshonnan riba e industria atómiko di Rusia.
Rusia a bisa ku e atakenan, ku ta involukrá misilnan hipersóniko, ta represaya pa un invashon na frontera na komienso di e luna aki.
Un total di 81 misil a keda lansa segun Zelensky, kual a mata sinku persona den provinsia oksidental di Lviv i un persona den e siudat oriental di Dnipro.
Washington a deskribí e atakenan ku misil komo “brutal i no hustifiká”.
Zelensky a bisa ku e atakenan tabata un intento mas di “un estado terorista pa lucha kontra e sivilisashon” i a primintí ku Ukrania lo no wòrdu derotá.
