BRASILIA, BRASIL (AFP).-Loke desena di entrevista riba plannan di gobièrnu no a logra, a bira posibel ku un seshon di ehersisio físiko: un video ku mas di 10 mion hende a mira i a yega komo reskate dje presidente brasilero Lula, segun enkuestanan.
Miéntras ku e ta djòg ku e elegante palasio di Alvorada su tras (e residensia ofisial), e mandatario, di 78 aña, ta mustra su brasanan i pianan, ku un ’look’ deportivo ku e brasileñonan no a mira di dje for di aña pasá den seshonnan di fisioterapia despues ku el a operá.
E diskurso ta kòrtiku i e no ta papia di konfliktonan estranhero òf e peleanan ku Kongreso: Luiz Inacio Lula da Silva ta duna konseho pa hiba un bida sano i yega te “120 aña”.
“Mi ke invitá bosnan pa hasi poko ehersisio, no keda ketu sintá den sofá. E kos aki ta bal un konsulta médiko”, Lula ta bisa, bistí ku suèter i spòrtbruk pretu ku logo di su ekipo Corinthians de São Paulo.
Mi ta yama brasileñonan pa “move bosnan pianan, bosnan brasanan i hasta kore un poko si bo tin forsa físiko”.
“Pa bosnan tur ku ke biba di forma saludabel, probechá un poko mas di bida i te hasta yega 120 aña, manera mi ta pretendé”, segun e ta bisa.
E video, publiká djamars riba Instagram, a superá 10.1 mion persona ku a mir’e, e kantidat mas grandi e aña’ki pa e presidente.
Riba retnan sosial, vários di su ministernan a hasi meskos i ta djòg, sugiriendo kisas un strategia.
Den un reunion di gabinete djaluna, Lula a demandá mihó komunikashon i mas resultado di su ministernan, pa kombatí e kaida d popularidat.
E aprobashon di Lula a kai di 54% pa 51% di desèmber den febrüari último.
