MEXICO, AP.- Roger Waters a eksplotá kontra Donald Trump i su intenshon di konstruí un muraya na frontera di México i a pidi presidente Enrique Peña Nieto pa skucha su pueblo i duna kontesta riba e míles di hendenan ku a disparsé di e pais for di prinsipio di su mandato na 2012. Den e promé di su tres konsiertonan ku e tin programá e siman aki na e kapital mèksikano, e kofundadó di Pink Floyd a hasi bofon anochi di e kandidato republikano pa presidente di Merka i a bisa ku “nos no ke un muraya ku ta separá nos di nos ruman, nos mama ni di niun hende”.
Diferente imágen ku ta ridikulisá e polítiko i empresarionan a aparesé proyekto riba e pantaya grandi den fondo di e esenario di Foro Sol di e siudat di México kaminda e rokero veterano a reuní mas di 58 mil persona, di akuerdo ku organisadónan di e espektákulo.
