SAN FRANCISCO, AP.- Komo ehekutivo haltu na Google durante e último 13 añanan, Marissa Mayers a sirbi un papel hopi bon den e desaroyo di hopi di e servisionan ku a tormentá Yahoo. Awor Yahoo ta rekuriendo si antagonista bieu pa e korigí tur kos ku a sali malu miéntras Google Inc. tabata konsolidá e posishon di kompania mas poderoso di Internèt.
Mayer, di 37 aña, lo kuminsá un desafio grandi kuminsando djarason despues di asumí posishon komo e di sinku direktor general di Yahoo den e último sinku añanan.
E kontratashon sorpresivo anunsiá djaluna anochi ta indiká ku Yahoo ta kere ku ainda e por
ta un linea inovador na lugá di ta djis un stashon kaminda hende ta pasa pa lesa un notisia òf wak video promé nan sigui pa websitenan mas atraktivo.
Meskos ku su predesesornan, Mayer mester desaroyá un st rategia afekt ivo pa kompetí ku e forsa ku Google i Facebook a bira, ya mas perrsona ta bai inskribí na e ret sosial aki. Tantu Google, e motor di búskeda lider di Internet, komo Facebook a superá Yahoo Inc. den e lucha pa atenshon di usuarionan di Internetiepresupuestodi publisistanan.
