LA HABANA, AP.- E yegada di turistanan merikano na Cuba a subi ku kasi 84% den e promé semèster di aña. Asina e minister di e sektor a informá djaweps.
Minister Manuel Marrero a duna e informashon aki den Asamblea di Poder popular, parlamento, pa duna kuenta di e industria di turismo.
Esaki ta konsiderá komo e motor di ekonomia di e isla, segun indikashon di e agensia ofisial di Prensa Latino.
Segun e funshonario e subida di bishitantenan den e promé semèster tabata di 11,7% ku 2,1 mion biahero. Sinembargo, e oumento pa e merikanonan tabata di 83,9%.
E funshonario no a spesifiká e volúmen di turista prosedente di bisiña di e pais. Ounke ainda e ta prohibí pa e merikanonan pa biaha libremente na Cuba, mester instalá 12 kategoria pa biaheronan
Den 2015 tabatin 161.174 biahero prosedente di Merka, 76.6% mas ku den 2014. E sifra no ta kontemplá e kubano merikanonan ku ta biaha pa bishitá famia riba e isla.
Un total di 3,3 mion a biaha pa Cuba den 2015.
