NEW YORK, AP.- E sensashon di e atake ku a asotá Merka a uni e pueblo merikano.
Despues di e atakenan di 11 di sèptèmber 2001, indikashonnan a mustra ku e merikanonan a laga tur diferensia atras.
E koheshon ei ta un rekuerdo lehano di e di 15 aniversario di e atakenan djadumingu awor. Un enkuesta ta revelá ku e orguyo nashonal di merikanonan ta na su nivel mas abou desde e tempu ei. E pais ta hopi dividí i tin hopi diskushon tokante rasa, inmigrashon, seguridat nashonal i polítika.
Jon Hile a pensa ku e por yuda den limpiesa di “zona sero” pasó e tabatin eksperensia den kòntròl di e kontaminashon industrial. El a biaha desde Louisville, Kentucky, pa traha komo boluntario i e eksperensia aki a kambia su bida. El a regresá su siudat i a kuminsá traha komo bombero.
Hile, kende ta dirigí un empresa di kòntròl di riesgo, ta bisa ku esaki tabata un époka di sentimentu komunal, kaminda “tur a komprondé kon lihé kosnan por kambia i kon lihé un persona por sinti su mes vulnerabel”.
Un dékada i mei despues, e ta opservá un nashon kaminda problemanan ekonómiko a pone mayoria persona pensa riba nan so.
