OTTAWA, CANADA, AFP.- Polis kanades a oumentá e kantidat di morto na 23, den un tiroteo masivo ku a konmoshoná e provinsia di Nova Scotia, despues di a reportá 18 víktima mortal insialmente.
“Tin un hóben di 17 aña entre e 23 víktimanan, tur sobra persona ta adulto, inkluyendo hòmber i muhé”, segun indikashon di Polis Real Montada di Canada den un Komunikado. El a agregá ku a haña e víktimanan den kas i vehíkulonan na kandela den e atake di djasabra. por lo ménos sinku kas i edifisio, inkluyendo vehíkulonan ku a wòrdu sende na kandela pa e atakante, Gabriel Wortman.
Wortman, di 51 aña di edat, a kousa teror djasabra anochi den e pueblo na kosta di Portapique, Nova Scotia. Dieskuater ora despues, e hòmber a muri entre un tiroteo ku polis for di Halifax, 100 kilometer leu di kaminda e tiroteo a kuminsá.
E Estado di Canada e reuní homenahe na ofisialnan Real di Polis Montada di Canada, kende a lamentá morto di nan kolega. Aparte di esaki e Estado a rendi tributo na tur siudadano ku a kolaborá pa kontené e atake.
Canada ta un pais ku no ta frekuentá tiroteonan masivo i ainda outoridat ta kuestionando e sirkunstansia i motibunan di Wortman. Ademas, polis ta purbando di sera e promé etapa di e investigashon kompletando e kantidat di víktima.
