KABUL, AFGANISTAN, AP.- Tres eksploshon a impaktá e kapital afgano djadumingu, matando por lo ménos dos persona i leshonando 24 mas, segun informashon di outoridat. Aparte di esaki, por lo ménos dos periodista afgano a resultá heridá, segun informashon di un organisashon di notisia lokal no gubernamental.
E promé bòm tabata poné den un bùs ku tabata transportando studiantenan universitario. Binti minüt despues, dos eksploshon mas a kontinuá na kantu di kaminda den e mesun zona, segun indikashon di Nasrat Rahimi, e bosero di Ministerio di Interior.
Wahidula Mayar, bosero di Ministerio di Salú, a bisa ku 24 persona mas a resultá heridá den e atakenan, entre nan kuater dama. Por lo ménos un persona a muri den e promé eksploshon, miéntras ku e di dos persona a muri den e hospital. Mayar a bisa ku te ainda no ta evidente kua di e eksploshonnan a kousa e heridanan.
Shete persona a resultá heridá despues di e yega na e sitio di atake, inkluyendo sinku miembro di forsa di seguridat, segun indikashon di Rahimi.
Estado Islámiko a ‘claim’ responsabilidat di e atakenan di djadumingu na Kabul.