PARIS, AP.- E movishon di e grupo ‘Chaleko Hel’ kontra e polítika ekonómiko di presidente Emmanuel Macron a mustra su forsa djasabra durante e di 29 siman di protesta kaminda míles di persona a partisipá.
Segun e ministerio di Interior, 2.600 persona a partisipá den e pais kompleto, 1.200 di nan na Paris. Esaki ta e sifra mas abou for di dia ku e movishon a kuminsá meimei di novèmber, ku un partisipashon di kasi 300.000 persona den Fransia kompleto.
Tabatin diferente akto violento ku a perhudiká e movishon.
Un manifestante a bisa ku e manifestashonnan lo rekuperá forsa den sèptèmber despues di dianan di fakansi.
