ARGEL, AP.- Outoridat di Argelia a kanselá elekshon presidensial plania pa 4 di yüli, dor ku dos kandidato a wòrdu rechasá.
Konsilio Konstitushonal di Argelia a bisa den un komunikado ku e presidente interino Abdelkader Bensalah mester pone un fecha nobo pa elekshon den e nashon na nort di Afrika. E pais ta pasando dor di un krísis polítiko ya pa algun luna kaba.
Solamente dos kandidato a presentá nan dokumentonan riba e fecha límite di 25 di mei, pero Konsilio Konstitushonal a rechasá nan sin duna un motibu pa esaki.
Presidente Abdelaziz Bouteflika a renunsia riba di 2 aprel despues di preshon di e poderoso hefe di ehérsito i vários protesta, poniendo fin na un régimen ku a dura dos dékada.
