SANTO DOMINGO, AP.- Agentenan anti-narkótiko di República Dominicana a detené tres kolombiano ku a transportá 575 kilo di kokaina desde Suramérika. Asina e direkshon di kòntròl di droga a informá.
Ta trata di e segundo kargamentu di kokaina kapturá pa outoridatnan den último luna dilanti kosta di Cumayasa, 70 kilometer na ost di e kapital. E tres hòmber nan a keda detené djaluna mardugá, segun indikashon di Carlos Devers, bosero di Direkshon Nashonal di Kòntròl di Droga. Djamars esnan detené a wòrdu interogá, wardando pa wòrdu presentá dilanti tribunal pa formalisashon di detenshon.
E hòmbernan tabata biaha ku un kargamentu di droga den un lancha di nuebe meter largu.
E konfiskashon a tuma lugá algun siman despues ku outoridatnan a konfiská 930 kilo di kokaina den e mesun zona kual tabata transportá den un lancha kolombiano i dominikano. Ta trata di un kargamentu mas grandi konfiská pa agentenan dominikano segun e aña aki a pasa. Segun kalkulashonnan di e Departamento di Estado merikano, 6% di e kokaina ku yega e pais ta pasa di Hispaniola, kual ta e isla ku República Dominicana i Haiti ta kompartí.
