MADRID,AP.- Un organisashon spañó a reskatá 420 migrante ku a purba krusa Mediteráneo direkshon di Europa den barkunan prekario desde Libia.
Laura Lanuza, bosero di Proactiva Brazos Abiertos, a bisa ku su tripulashon a reskatá mayoria migrante di kuater lancha ku a wòrdu deskubrí den awanan internashonal 29 kilometer na nort di Sabratha den Libia.
El a agregá ku e lancha tabata transportando 130 persona.
El a agregá ku un otro operashon a reskatá 11 persona, entre nan un beibi di dos luna afektá pa asma, den un boto di palu.
Libia ta un di e puntonan di salida prinsipal di botonan yená ku migrante i refugiadonan. Míles a muri den último añanan purbando di krusa.