BARCELONA, AP.- Gobièrnu regional di Catalonia, a bisa ku a identifiká shete di e 14 personanan ku a muri den e atakenan di Barcelona i Cambrils.
Entre e 13 personanan ku a muri djaweps na Barcelona, tabatin un italiano, un portugues i kuater spañó. Esaki a inkluí unu di nashonalidat argentino tambe. E muhé ku a muri na Cambrils tabata spañó. Famia i funshonarionan di gobièrnu tambe a identifiká un otro hòmber italiano ku a muri na Barcelona, inkluyendo un merikano i belga.
Den un komunikado, gobièrnu regional a señalá ku 59 persona heridá pa atakenan ainda tabata detené djabièrnè anochi. 15 di e personanan aki ta den kondishon kritiko i 25 di kondishon grave.
Un hòmber ku ta biba na California, a bisa ku su yu hòmber ta entre e 13 víktimanan mortal di e atake terorista na Barcelona.
Sekretario di Estado, Rex Tillerson a konfirmá ku e merikano a muri den e atake na Barcelona.
