SIUDAT DI MÉXICO, AP.- Outoridat a deskubrí kuater trùk ku kasi 800 migrante den estado di Veracruz, segun informashon di outoridat mehikano.
E 791 personanan a wòrdu trasladá pa instalashonnan migratorio i a arestá e shofùrnan di e trùknan, segun informashon di Instituto Nashonal di Migrashon den un komunikado djasabra anochi.
Funshonarionan a registrá mas kaso di transporte di migrantenan atraves di México. E kondishonnan den kual e migrantenan ta biaha aden ta peligroso, sin kuminda, awa òf sufisiente aire.
Washington ta preshonando e gobièrnu mehikano pa redusí e kantidat di migrantenan sentroamerikano ku ta krusa via México su teritorio den un intento pa pidi asilo na Merka.
