KORUPSHON DEN PETROLERO ESTATAL
LA PAZ, AP.- E petrolero boliviano estatal a demandá dos funshonario haltu pa enrikesimentu ilísito despues di a haña sumanan di sèn di un posibel soborno vinkulá na proyektonan mionario.
E empresa a bisa djamars den un komunikado ku a haña 90.000 dòler den un kaha di seguridat bankario na nòmber di su gerente Geraon Rojas miéntras ku e sèn di e otro kaha tabata na nòmber di Rojas i di otro funshonario Agustin Ugarte Mendez.
Fiskal a informá di a haña anotashonnan di ámbos pa retironan ku a yega 390.900 dòler.
“Aki no ta kubri ningun hendeieinvestigashonnan ta bai te na e último konsekuensianan, tur ku kai lo kai”, asina e presidente di Yacimientos Petroliferos Fiscales Bolivianos (YPFB), Carlos Villegas a bisa.
Rojas a wòrdu rekluí durante fin di siman den un penal miéntras Ugarte ta detené den un warda di polis oriental di Santa Cruz.