BOGOTA, AP.- E representante di Colombia di Komishonado Haltu di Nashonnan Uni pa e Derechinan Humano, e merikano Todd Howland, djabièrnè a bishita un region konfliktivo na sùitwèst di e pais kaminda tin hostigamentunan rebelde i komunidatnan indígena ku ta reklamá pa saka e grupo armanan.
“E ekipo di ofisina di ONU p derechonan Humano Cauca ya den bon kondishon”, asina e
delegashon a bisa den un komunikado. “Senjor Howlandieintegrantenan di e ekipo ku el a biaha ta bon, nan no ta den zona di kombate.
Esaki a wòrdu publiká despues di vershonnan di prensa lokal ku ta bisa ku Howland i tres otro delegado ku tabata biaha kuné e keda trapa den un tiroteo entre forsa públiko i rebeldenan di FARC den un zona di e departamentu di Cauca.
E delegashon di ONU a reuní ku outoridatnan sivil i militar, manera kampesino i organisashonnan indígena na Miranda “ku e intenshon di evaluá e situashon di derechonan humano”.
Victor Melendez, defensor di e Pueblo di Cauca, a indiká den un kombersashon di telefon ku den un zona rural di Miranda tin kasi un luna di protesta tené pa kampesinonan ku ta demanda e salida di forsa públiko. Nan a bisa ku nan ta keda meimei di e kandelanan na momentu ku atakenan di gueria tuma lugá.
