PARIS, FRANSIA, AFP.- Fransia a lansa un sertifikado di salubridat spesial pa siudadanonan vakuná den eksterior, pa fasilitá nan entrada den Union Europeo.
E desishon aki ta “duna fransesnan den eksterior akseso na un sertifikado di salubridat si nan a vakuná den un otro pais ku no ta Fransia”, segun indikashon di e sekretario di Estado di Turismo i fransesnan den estranhero, Jean-Baptiste Lemoyne den un komunikado.
Tur franses ku ta biba den estranhero i ku a haña un vakuna rekonosé pa Europa su Agensia di Medisina (EMA) òf ekivalente ta bini na remarke pa haña e sertifikado di salubridat, bálido den Fransia i Europa.
Esnan interesá por manda e prueba di vakuna via e-mail, inkluyendo un dokumento di identidat i prueba di residensia den estranhero, segun indikashon di e ministerio.