KANDAHAR, AFGANISTAN, AFP.- Forsanan afgano tabata luchando djaluna, pa evitá ku algun siudat prinsipal ta kai den man di talibannan, despues di vários atake fin di siman.
Talibannan a asaltá por lo ménos tres kapital anochi: Lashkar Gah, Kandahar i Herat. Durante fin di siman tabatin kombatenan intenso kaminda míles di sivil a hui pa e talibannan.
Outoridat a bisa ku e talibannan a lansa vários atake kordiná den sentro Lashkar Gah i esaki su prizòn.
E insurgentenan ta probechando di e fase final di retirada di forsanan estranhero ku Merka na kabes. E sòldatnan mester sali for di Afganistan riba 31 di ougùstùs, despues di kasi 20 aña di presensia.
Presidente Ashraf Ghani ta kulpa Washington pa e deterioro, bisando ku e desishon pa saka trupanan internashonal for di e pais tabata abrupto.
E gobièrnu a desplegá sentenáres di komando den Lashakr Gah i ta usa atakenan aéreo pa evitá ku e ta bira e promé kapital provinsial ku a kai den man di e insurgentenan taliban.
E hefe di konseho porvinsial di Helmand, Ataullah Afghan a bisa ku e talibannan ta “ta tuma refugio den kaso di e sivilnan” i usa esakinan komo eskudo.
