MARMARIS, TURKIA, AFP.- Union Europeo a manda tres avion pa kolaborá ku bomberonan pa lucha kontra un kandela enorme ku ta devorando sùitwèst di Turkia pa seis dia kaba. Gresia tambe ta luchando kontra diferente kandela i ola di kalor severo desde 1987.
UE ta kompletamente solidario ku Turkia den e periodo difísil aki”, segun indikashon di e komisario europeo, Janez Lenarcic den un komunikado.
Ainda tin shete kandela aktivo di e 130 kandelanan ku a deklará den seis dia, segun indikashon di Maneho di Mondi, un organismo públiko turko. Outoridat a reportá ocho morto.
Agentenan a evakuá sentenáres di turista i residente na Turkia djadumingu. A evakuá mas di 1.100 persona riba barku, segun indikashon di e alkalde di Bodrum, Ahmet Aras.
E kandelanan di mondi aki ta esun di mas grandi den por lo ménos un dékada na Turkia. Por lo ménos 95.000 hèktar a kima den 2021. Esaki tabata 13.516 hèktar den e mesun periodo entre 2008 i 2020.
Gresia su temperatura di último dianan tabata riba 40 grado Celsius segun indikashon di e minister turko di Agrikultura, Bekir Pakdemirli. A sera tur sitio arkeológiko griego den espasionan habrí di djamars pa djabièrnè, segun indikashon di e ministerio di kultura.
