TANGER, MAROKO, AFP.- Nos ta sinti falta di nos pais i nos famianan mas ku tur kos, asina Firdaous, un pasahero marokano ku a baha na Tanger di un fèri ku a sali di Spaña, e promé den dos aña i ku no a skonde su alegria di por pasa e Ramadan na su tera.
E konekshonnan marítimo entre Spaña i Maroko, suspendé na 2020 pa e krísis di salubridat i e tenshon diplomátiko entre e dos paisnan, a kuminsá bèk e siman aki den un maneho konkreto di rekonsiliashon.
Tarifa Jet un fèri katamaran di e kompania marítimo FRS Iberia a yega Tanger e haf nort di Maroko, for di Tarifa, sùit di Spaña ku 35 pasahero na bordo, mayoria di nan marokano, segun e periodista di AFP presente na e lugá.
“Tabata un gran dia. Nos ta kontentu di por bai e pais bèk despues di 2 aña di ousensia”, asina Hamid Elkhadri, di 50 aña a bisa na e haf di Tanger.
Ounke e pasaheronan i e bùsnan por a krusa e 14 kilometer di Gibraltar, e vehíkulonan privá mester warda te 18 di aprel.
