TUXTLA, MEXICO, AFP.- E kurpa di 18 migrante guatemalteko entre nan un muhé i kuater yu a muri den aksidente dia 9 di desèmber pasá na sùit di México a keda repatriá den un avion di Forsa Aéreo mèksikano, asina outoridatnan a informá.
Un kurpa mas a keda trasladá via tera te ku e departamentu di Totonicapan di Guatemala, asina Marcela Diaz, delegado di Chiapas di e asosashon nashonal di direktornan di funerarionan a bisa.
E restunan a sali for di den oranan tempran di mainta den 9 vehíkulo , despues di a keda balsamá, despues ku nan tabata keda den kasnan mortuario di e kapital di estado di Chiapas, Tuxtla Gutierrez i den e munisipionan di Tonala i Pijijiapan.
“E problema di mas grandi tabata rekonosementu di e personanan ku a fayesé pasobra e famianan ta bin di leu i probablemente nan tabata pober ekonómikamente”, asina Diaz a splika. E tragedia di 9 di desèmber a sosodé despues ku un trailer ku tabata trasladá klandestinamente 160 migrante iregular, ku tabata buska moda di yega Merka desesperadamente a dal kontra un brùg di peaton na un kaya di Chiapas.
