ECUADOR, AP.- Guardiannan di parke di e isla Galapagos a logra protehá di animalnan salbahe, un kantidat grandi di nèshi di dos tipo di turtuga gigante, asina parke nashonal a informá.
“313 nèshi di turtuga di tera òf manera nos ta yama na papiamentu morkoi a keda protehá den diferente zona di e isla di Santa Cruz”, asina e institushon a bisa den un komunikado.
E ta sigui bisa ku e tarea a kuminsá na yüli i ta konsistí den protehá e nèshi di piedra i pone nan di forma global pa asina por monitor nan. Di e forma aki ta protehá e nèshinan di animalnan salbahe ku ta esnan prinsipal ku por ataká e nèshinan.
E akshonnan aki ta parti di e aktividatnan di e parke pa asina trese bek na e isla e morkoinan gigante ku semper a biba aki nan. For di e sentronan di reprodukshon den koutiverio lo sali algun 5 mil ehemplar, kual tabata e kaso den último dékada. Den forma natural e webunan ta alkansá un reprodukshon di 10% miéntras ku den koutiverio esakinan ta yega te 75%,
Islanan Galapagos ta keda meimei di oséano Pasífiko na mil kilometer i e teritorio di Ecuador. Na 1979 el a keda designá komo patrimonio natural di humanidat pa Nashonnan Uni pa e abundansia di espesie di animal i vegetashon, terestre i marino ku ta úniko na mundu.
