RAMALA, TERITORIO PALESTINO, AFP.- Sentenáres di abogado palestino a manifestá na Ramala djaluna, na Wèst Bank okupá, kontra loke nan ta konsiderá komo outoritario di presidente Mahmoud Abbas.
E manifestantenan a protesta pa un parlamento skohe den elekshon i un poder hudisial independiente, ademas nan no ke leinan aprobá via dekretonan. E manifestantenan a reuní sera di gabinete di Promé minister Mohammad Shtayyeh, den un inisiativa di asosiashon di abogadonan palestino.
Parlamento no a reuní desde 2007 pa diferensianan interno entre Hamas, e movementu islamita ku ta kontrolá Gaza Strip i partido laiko Fatah, di presidente Mahmoud Abbas, ku ta goberná Wèst Bank, teritorio palestino okupá pa Israel desde 1967.
