PHOENIX, AP.- E poblashon den e instalashonnan di detenshon di migrante ta sigui oumentá na frontera sùit di Merka i e grupo di adolesente ku ta mama òf na estado ta e wòrdu konsiderá komo e grupo mas vulnerabel.
Defensor i abogadonan di e inmigrantenan ta bisa ku e hóbennan no ta haña un bon trato médiko spesial miéntras ku nan ta sera den instalashonnan sobrepobla ku diferente migrante drumiendo riba suela òf keda para riba pia durante vários dia largu. Komo resultado, e hóbennan no ta haña bon alimentashon, nan tin mal higiena i e beibinan ta bira malu.
E potrèt di un deskubrimentu skandaloso ilustrando un migrante di 17 aña, kuidando un beibi evidentemente prematuro den un sentro di detenshon a kousa indignashon mundialmente. E mama a haña un sesaria na México i a krusa frontera ku su beibi riba 4 di yüni. E abogadonan a deskubrié sinta riba un rolstul, sufriendo di doló fuerte.
E kondishonnan den kual e migrantenan ta biba a kousa diferente protesta. Philadelphia e registrá un manifestashon di 300 persona, kaminda 33 persona a wòrdu detené.
E biahe pa Merka ta peligroso pa adolesentenan na estado, segun Nicole Ramos, direktor di e programa pa refugiado di Al Otro Lado, un organisashon ku ta asistí solisitantenan di asilo.
