MONTGOMERY, ALABAMA, MERKA, AP.- E gobernador republikano di Alabama, Kay Ivey, a ninga di revelá si e lo kondená un proyekto di lei ku ta prohibí aborto den tur kaso, i kual a wòrdu aprobá pa legislatura. Ivey a bisa na prensa djárason ku e lo analisá e proyekto promé ku e anunsiá su desishon.
Legisladornan estatal a aprobá un proyekto ku ta kondená tur interupshon di embaraso, sin importá esaki su fase i sin kasi niun eksepshon.
E partidarionan di e medida a bisa ku e intenshon ta pa generá un kaso hudisial pa desafiá un desishon di Korte Supremo 1973 yamá Roe vs Wade kual a legalisá aborto den e pais kompleto.
“Roe vs Wade a kaba ku bida di miónes di mucha”, segun senador republikano di Alabama Clyde Chambliss den un komunikado. “E proyekto di lei aki tin chèns di salba bida di miónes ku no a nase ainda”.
E demókratanan den kámara estatal a kritiká nan koleganan republikano.
E proyekto di lei ta establesé ku interupshon di un embaraso ta un delito kastigabel ku 99 aña den prizòn òf bida largu pa esun ku realisá esaki. E úniko eksepshon ta si e salú di e dama ta na riesgo. Esun ku tuma e intervenshon di aborto no ta wòrdu kondená.
