SAN JUAN DE LUZ, FRANSIA, AFP.- Un profesora di spañó di un kolegio sekundario na San Juan de Luz, na sùitwèst di Fransia a muri despues ku un alumno a hink’é mata den lès djárason.
Segun e fiskal, enkargá ku e kaso, e agresor tin 16 aña i ta detené aktualmente. E víktima ta un dosente di 52 aña.
Segun medionan, e alumno a deklará ku e tabata “poseí” i ku el a tende vários stèm papiando kuné.
Outoridatnan a bisa ku no ta trata di un posibel kaso terorista i a añadí ku e “outor tin problemanan sikológiko”.
E suseso a tuma lugá na kolegio katóliko Santo Tomas di Aquino, un skol di 1.100 alumno.
Un alumno di 16 aña a bisa ku e sospechoso tabata trankil. El a aserká e dosente i a hink’é den su pechu sin bisa nada. Outoridatnan a detené e agresor.
